Pages

Wednesday, July 28, 2010

....................


වී කරලක්
වී ඇටයෙන්
බර වන්නට බර වන්නට
පොළවට ළං වුවද
එක් සුළං රෑල්ලකින්
පොළවට සමතලා වී
කුණු වී යන්නේ කිම?

වැසි වළාවක්
ජල බිඳුවෙන්
පිරෙන්නට පිරෙන්නට
ධරණි තලයට ලං වූවද
එක් ආකර්ශණයකින්
පොළවට කඩාහැලී
පොළවේම සැඟවෙන්නේ කිම?

මිනිස් සංතානයක්
ගුණ, ණැනෙන්
පිරෙන්නට, බර වන්නට
වී කරලක්, වැහි වළාවක් මෙන්
නම්‍යශීලී විය යුතු නම්
හුදු සුළඟකින්, ආරෝපිතයකින්
ශූන්‍යත්වයට පත් විය යුතුද?

අසන්නෙමි පැණයක්
දෙනෙත් හැර පිලිතුරු දෙන්න
ගුණ, ණැන බෙලෙන්
සපිරි මිනිසා
වී කරලක්, වළාවක් මෙන්
එක් පහරකින්
ගුණ, ණැන බල
කැඩී බිදී
සමාජය තුළ සැගවී යත්නම්
ඔහු උපයා ගත්
ගුණ ණැහෙහි
ඵලදායිතාවය කුමක්ද?
එයින්
ඔහුටත්, සමාජයටත්
උන්නතියක්
කළ හැකිද?

No comments:

Post a Comment