Pages

Sunday, November 20, 2011

පිබිදීම

පාවී ආදරේ
සැමරුම් කතරේ
වැලි කඳු අතරේ
නැවතුනි සිහිනෙක
ඇය හා තනිවී
ගිණි කඳු අතරේ.....

ඇයගේ සිහිනේ
ගිණි කඳු පිපිරී
මාසිත දකිනා
සිහිනය දියවී
අළු හා මුසුවී
ගසා යයි
උණුහුම් මාරුතේ.....

ආත්මය තනිකොට
ගිණි කඳු ආවාටෙක
පිබිඳූනෙමි සිහිනෙන්
විස දුමින් දෑස බොඳවී
ජීවිතය නොපෙනී
ආදරය මියැදී.....

ප.ලි. : මගේ මිතුරෙක් වන යසිත්ගේ ඉල්ලීමකට ගීතයක් සඳහා ලියැවුනු පදපෙලක් මේ.

Sunday, November 13, 2011

ආදරේ නම් යක්ශයා


සිතුවිලි නිම්නයේ
මායා නිවහනේ
වෙසෙනා
යක්ශයා
ඇගේ ආදරේ.....

සිතුවිලි නිම්නයේ
අරක්ගෙන ඌ
ඉරා මරා කා
හීන
විලාප දෙයි
"ඉවරයි හීන
තව නෑ හීන
මට බඩගිනියි හීන
දැකපන් තව තව හීන"
හිත කීරි ගැහී
බයෙන් ගුලිවෙන්න
උට බයේ
තව තව හීන
දැක දැක මරවන්න !