Pages

Wednesday, April 26, 2017

දෘඩ බව

පුළුන් පිඩක් සේ
සියුමැලි වුවද
සඳ සාවිය සේ
පියකරු වුවද
දෑසට නොපෙනෙන
හසු නොවෙන ඇඟිලි තුඩගට
දෘඩ බවක්
ඇයට උරුමයි....
ඒ ඇගේ හදවතද
මවාගත් පිට පටලයක්ද....

පටලයක්නම් දිය වේවි
ස්නේහෙයක උණුසුමකින්
සීරී කැබළි විසිරේවි
නෙතු දහරකින් ලොව දකින...

දිය අංශුවක ගැබ් වුන සිහිලසද
හීන් සුළං රැල්ලක මදහසද
ලපළු දල්ලක මෘදුබවද
ඉපිදෙන්නට නොහැකිව
සුසුම් හෙළන
කිදුරු සෙනෙහෙක
සියුම් ඉඟියක්
කෙලෙසක හැඟෙයිද
දෘඩ බවින් වැසී ගිය
හදවතකට......

No comments:

Post a Comment